میں نیواں میرا مرشد اچا، تے میں اچیاں دے سنگ لائی
صدقے جانواں ایہناں اچیاں توں جنہاں نیویاں نال نبھائی
جنہاں اندر عشق سمایا ، اوس نئیں فر جانا
توڑنے سوہنے ملن ہزاراں ، ناہیں یار وٹانا
ہر مشکل دی کنجی یارو مرداں دے ہتھ آئی
مرد نظر کرن جس ویلے مشکل رہے نہ کائی
در مرشد دا خانہ کعبہ تے حج ضروری کریئے
تکوا رکھ محبوبا والا چل دوارا چلیئے
تو بیلی تے سب جگ بیلی تے ان بیلی وی بیلی
سجناں باج محمد بخشاؒ سنجی پئی اے حویلی
جے ویکھا عملا ولے، کچھ نئیں میرے پلے
جے ویکھا تیری رحمت ولے ، سائیاں بھلے بھلے بھلے
مالی دا کم پانی لانا، بھر بھر مشکاں پاوے
مالک دا کم پھَل پھُل لانا، لاوے یا نا لاوے
لے سجناں اساں تھوڑ نبھائی تے جان دیتی راہ تیرے
حشر دہارے شارماں تینوں پردے کج لئی میرے
میاں محمد بخشؒ
Very impressive poetry collection here. Anyone writing Urdu poetry can make it more attractive using Urdu Fonts. For font related issues, check this guide Urdu Font Problems Guide. Great poetry indeed.
ReplyDelete