Skip to main content

Posts

Showing posts with the label Aye Jazba Dil

Aye Jazba e Dil..

Aye Jazba-e-Dil gar main chahoon har Cheez muqabil aa jaye Manzil ke liye do Gaam chalun, aur saamne Manzil aa jaye Aye Dil ki Khalish, chal yun hi sahi chaltaa to hun unki Mehfil mein Us waqt mujhe chaunkaa dena jab Rang pe Mehfil aa jaye Aye Rahbar-e-Kaamil chalne ko taiyar to hun  par yaad rahe Us waqt mujhe bhatka dena jab saamne Manzil aa jaaye Haan yaad mujhe tum kar lena, Aavaaz mujhe tum de lena Is Raah-e-Mahabbat men koi dar-pesh jo Mushkil aa jaaye Ab kyaa dhoon dhoon voh Chashm-e-Karam, hone do sitam Baala-e-Sitam Main chaahta hun aye Jazb-e-Gham, Mushkil pas-e-mushkil aa jaye Is Jazba-e-Gham ke baare mein ek Mashvira tumse leta hun Us waqt mujhe kya laazim hai jab tum pe mera dil aa jaye